Fasule pllaqi në tavë

Nga Living, Fotografia Armand Habazaj

Fasulet, të çfarëdolloji qofshin, janë shumë të mira e të shëndetshme për stinën e dimrit! Ndryshe nga fasulet e vogla, pllaqitë nuk bëhen me lëng.

Përbërësit për një tavë balte të vogël:

100 gr fasule pllaqi të ziera më parë
Gjysmë qepe të kuqe
Tul domateje konservë
2 thelpinj hudhër
Vaj ulliri
Kripë, piper
Majdanoz (erëza të tjera sipas shijes)

Përgatitja:
Në një tigan skuqim në pak vaj ulliri qepën e grirë imët me hudhrën e shtypur.
E lëmë deri sa qepa të zbutet dhe shtojmë domatet me faqulet pllaqi. Rregullojmë shijen me kripë dhe piper dhe në fund hedhim erëzat e tjera që kemi zgjedhur. Nëse doni mund të shtoni edhe pak spec djegës.