Veshje ekstravagante dhe detaje të guximshme, çfarë solli Java e Modës në Paris

Këtë javë mbahet Java e Modës në Paris. Në kuadër të ngjarjes kryesore të modës në kryeqytetin francez, dizenjatorë e shtëpi të njohura të modës i kanë prezantuar koleksionet e reja të veshjeve “Vjeshtë/Dimër 2021”, e të cilat besohet se do t’i dominojnë trendet e modës sivjet.Java e Modës në Paris ndërthuri stile të ndryshme veshjesh, të cilat shoqëroheshin me detaje të veçanta.

Stilistë të ndryshëm dhe markat më të njohura botërore, zbuluan trendet e pranverë/verë 2023. Modelet ekspozuan veshjet ekstravagante, të shoqëruara me modele flokësh dhe make-up të rënduar, dukem u përshtatur në stil.

Disa shtëpi të modës si Chanel kanë propozuar veshjet e tyre muajt e ngrohtë pranverë/verë. Channel sugjeron kryesisht ngjyrat e lehta dhe ato pastel por i qëndron besnike të bardhës në të gjitha nuancat, bezhës e rozës së lehtë, si për t’iu përshtatur stinës. Po ashtu, shtëpia franceze e modës sugjeron këpucë të lehta, larg takave apo platformave të mëdha, po këpucë klasike, të rehatshme e mbi të gjitha në sinkron me kostumet e lehtë e fustanet me lule.

Pas Chanel, në Paris do të prezantojnë koleksionet e tyre të reja edhe shtëpi të tjera prestigjioze të modës si Georgio Armani Prive, Jean Paul Gaultier apo Louis Vuitton.

Pasarelat qëndruan në vëmendjen e të ftuarve nga bota e modës ose jo. Për të bërë sa më shumë bujë stilistët rrezikuan në detaje, të cilat e bënin koleksionin më të veçantë.

Këtu përfshinin kokat false të luanit, leopardit edhe ujkut, një detaj i cili bënte diferencën.

Për sa i përket paraqitjeve më specifike, kësaj radhe mbizotëruan reperja Doja Cat dhe sipërmarrësja Kylie Jenner.

Reperja amerikane Doja Cat shpenzoi 5 orë e ulur në karrigen e grimit teksa u mbulua me 30,000 kristale svarofski nga koka te këmbët Javës së Modës në Paris.

Ndërsa Kylie veshi një nga stilimet me kokë luani, e cila po ashtu bëri shumë bujë.