Si të kombinoni ngjyrën e purpurt, nuancën e guximshme të së kuqes që do të bëjë "namin" këtë vit

Kemi filluar ta shohim që në ditët e para të janarit nëpër pasarela, rrugë, por edhe rrjete sociale, e mesa duket e purpurta do të bëhet bashkëshoqëruese e gardërobës së gjithsecilit prej nesh pasi instituti Pantone Color e ka përzgjedhur si ngjyrën e vitit 2023. Një e kuqe plot energji, karizëm dhe sharm, një nuancë e guximshme në dukje, e cilësuar shpeshherë edhe si simbol fuqie, por jo aq e lehtë për t’u kombinuar.

Për këtë arsye ju vjen në ndihmë kjo mini guidë nga ekspertja e njohur e ngjyrave dhe nuancave, Rossella Migliaccio. Para së gjithash duhet të dini që pavarësisht se ngjyra e purpurt është një ngjyrë e ndezur, ajo ka në përmbajtjen e saj një pigment të fortë kaltërosh. Për këtë arsye konsiderohet si ngjyrë e paletës dimërore. Prandaj kombinimet që do të shihni më poshtë janë gërshetime ngjyrash të ftohta, të thella dhe të ndezura. Gati për t'i zbuluar ato?