Guide per shendetin 19 Nëntor 2022

Çfarë të bëni nëse të gjithë në shtëpi janë me grip dhe ju nuk doni të sëmureni?

Guide per shendetin

9 këshilla të thjeshta por jetëshpëtuese jepen nga ekspertët për parandalim e kalimit të gripit në rast se dikush nga familja sjell një virus në shtëpi. Shkencëtarët nga fusha e Mjekësisë dhe Pediatrisë japin këshilla të vlefshme mbrojtëse që reduktojnë rrezikun e një infeksioni nga mikrobet që gjenden pothuajse kudo në shtëpi.

1. Zvogëloni kontaktin me pacientin

Vetëizolimi i të sëmurit në dhomën e tij është masa kryesore e sigurisë, veçanërisht në rastet e infeksionit respirator dhe viruseve që transmetohen nga ajri duke folur, kollitur ose teshtitur. Gjithashtu kini kujdes me sendet e higjienës personale, veglat, peshqirët, shtratin,

2. Kushtojini vëmendje tualetit

Nëse nuk ka dy banja në mënyrë që njëra të mund të përdoret ekskluzivisht nga personi i sëmurë, atëherë kujdesuni që të keni të larë dhe të sterilizuar tualetin kryesor.

3. Lani duart

Larja e duarve për 20″ ishte një nga zakonet e mira të pandemisë që duhet të vazhdojmë ta zbatojmë, veçanërisht pas çdo kontakti me pacientin.

4. Mbani maskë

Mbajtja e një maske mbron dhe mbrojtja maksimizohet kur përdoret nga të dy njerëzit. Personat me COVID-19 duhet të mbajnë patjetër një maskë kur ndodhen rreth të tjerëve në shtëpi, dhe në mënyrë të ngjashme kushdo që hyn në dhomën e pacientit duhet të mbajë gjithashtu një maskë.

5. Dezinfektoni sipërfaqet

Patogjenët mbijetojnë në sipërfaqe. Pastroni dhe dezinfektoni sipërfaqet që prekni më shpesh si hekurat, çelësat e dritave, derën e frigoriferit etj. fillimisht me sapun dhe ujë dhe më pas me dezinfektues.

6. Ventiloni zonën

Mjafton një teshtitje për të lëshuar mijëra mikropika me virus në atmosferë. Zgjidhja në këtë rast janë filtrat e ajrit ose thjesht ajrimi i mirë. Sipas CDC, një dritare e hapur për më shumë qarkullim ajri është një veprim i mirë. 

7. Përdorni një lagështues

Thatësia nuk favorizon sistemin e frymëmarrjes për të rritur mbrojtjen ndaj mikroorganizmave patogjenë. Sipas ekspertëve nga Universiteti Johns Hopkins, zgavra e thatë e hundës është më e ndjeshme ndaj infeksioneve, e se viruset janë më infektues në nivele të ulëta lagështie. Mundohuni ta mbani atë në 40%.

8. Mos e neglizhoni vaksinimin

Me rëndësi strategjike është vaksinimi kundër gripit , i cili sipas ekspertëve nuk është shumë vonë për t'u kryer edhe nëse dikush në familje ka qenë tashmë i sëmurë. 

9. Kujdesuni për gjumë cilësor

Gjumi i dobët dhe i pamjaftueshëm rëndon sistemin imunitar. Provoni një nga 9 këshillat kryesore për të fjetur menjëherë dhe për të marrë pushimin e çmuar me një dietë të shëndetshme dhe ushtrime fizike.

ARTIKUJ TE NGJASHEM

  • Javor
  • Mujor
  • Vjetor