Aktualitet 22 Shtator 2022

U bllokuan nga AKU, çfarë është bakteri ‘Listeria monocytogenes’ që u gjet te salsiçet dhe si ta kuptojmë që jemi të infektuar

Aktualitet

Ditën e djeshme AKU, Autoriteti Kombëtar i Ushqimit, paralajmëroi konsumatorët shqiptarë të hiqnin dorë nga salsiçet Wudy pasi këto produkte kishin në përmbjtjen e tyre Listeria monocytogenes STI55 që përbën risk serioz për shëndetin e njeriut, lexoni AKU ngre alarmin dhe u bën thirrje qytetarëve: Mos e konsumoni këtë produkt, kthejeni në dyqanet ku e keni blerë.

Listerioza është një sëmundje që shkaktohet nga ngrënia e ushqimeve të pagatuara, të ngrira dhe të gatshme për t’u ngrënë, që janë kontaminuar me bakterin e quajtur Listeria monocytogenes, ose thjesht Listeria. Listerioza është e rrallë, por mund të shkaktojë simptoma të rënda, madje edhe vdekje në grupet me ndjeshmëri të lartë.

Si mund të ekspozohem ndaj këtij infeksioni?

Listeria është e përhapur gjerësisht dhe mund të helmojë shumë ushqime. Më tepër shqetësim janë ushqimet që nuk kërkojnë gatim të mëtejshëm, ose nuk ringrohen sërish, si përshembull ushqimet e ngrira e të gatshme për t’u ngrënë

Si ta kuptoj që jam infektuar me Listeriozë?

Infeksioni te të rriturit e shëndetshëm zakonisht, nuk paraqet simptoma, ose shfaqet si një sëmundje e ngjashme me gripin. Megjithatë, në njerëz të veçantë, përfshirë të moshuarit, gratë shtatzëna, foshnjat e sapolindura dhe njerëzit me sistem imunitar të dobët, mund të shkaktojë sëmundje të rëndë, madje edhe vdekje. Një person që është prekur nga infeksioni i Listerisë mund të ketë simptoma të tilla si: temperaturë e lartë, këputje dhe dhimbje koke. Ndodh që simptomat janë të lehta, ndaj nuk kuptohet prania e infeksionit. Nëse jeni të shqetësuar për simptomat ose sëmundjen, ju lutem, këshillohuni me mjekun e familjes.

Si mund të parandalohet infeksioni?

Mund ta zvogëloni rrezikun e marrjes së infeksionit, duke ngrënë ushqime të freskëta të sapogatuara apo të përgatitura rishtazi, dhe duke shmangur ushqimet që mund të kenë Listeri./NOA

ARTIKUJ TE NGJASHEM

  • Javor
  • Mujor
  • Vjetor