Tendencat e fundit te modes 31 Korrik 2022

Dizajnet gjithëpërfshirëse që po ndryshojnë rrënjësisht modelet e rrobabanjove

Tendencat e fundit te modes

Kur në vitet 1990 mbretëronin bikini ‘body’ dhe minimaliste të epokës së “Baywatch”, lehtësimi për shumë gra erdhi në formën e ‘tankinit’ — që ofronte më shumë mbulim se shumica e veshjeve me dy pjesë, por mund të ishte ende modeste, sportive apo seksi. Ishte një nga risitë e pakta në një kohë kur stilet e rrobabanjove të femrave u përshtateshin vetëm për disa tipe trupore dhe preferenca stilesh — dhe madje mori vulën e miratimit në kopertinën e ‘Sports Illustrated’ të vitit 1990 të ‘Issue Swimsuit’.

Por tani rrobat e banjës kanë hyrë në një epokë të re të artë dhe forma e rrobave të banjës ka ndryshuar. Gratë mund të gjejnë pothuajse çdo stil që i përshtatet nevojave të tyre, nga markat si ‘TomboyX’ dhe ‘Beefcake’, deri te linja modeste e ‘Nike’.

Dhe ndërsa bikini dy-pjesësh nga influencueset është ende shumë i përdorur, ka gjithashtu një sërë opsionesh me mbulim më të plotë që dalin në treg. Siç është linja e re e’Skims’ të Kim Kardashian, për shembull: një linjë rroba banje në një sërë madhësish me imazhe të fushatës që të kujtojnë atmosferën e viteve 1980. Në Javën e Notit në Miami në korrik, dizajnerët duke përfshirë Cupshe dhe Bfyne zbuluan koleksione që përfshijnë masa të ndryshme.

Për Becca McCharen-Tran, themeluesen e markës ‘Chromat’ me bazë në Nju Jork, veshjet që rrisin vetëvlerësim kanë qenë në krye të rrobave të banjës. “Kultura ka ndryshuar dhe rrobat e banjës po ndryshojnë për të përmbushur këtë moment kulturor”, tha ajo për CNN në një intervistë. “Unë mendoj se kjo është emocionuese.”

Rregullat e reja
Chromat ka qenë një nga të parat që e ka bërë këtë ndryshim gjatë dekadës së fundit me dizajne eksperimentale dhe fushata që përqendrojnë modele të ndryshme të etnive të ndryshme, llojeve të trupit, aftësive, gjinive dhe seksualiteteve të ndryshme. Fushata novator “Pool Rules” e labelit bëri bujë në 2018 me “Babe Guard”, modelet e të cilit përfshinin të mbijetuarën e kancerit të gjirit Ericka Hart, aktivisten e ndjerë për të drejtat e personave me aftësi të kufizuar Mama Cax dhe avokaten Denise Bidot.

McCharen-Tran tha se rrobat e banjës janë bërë linja më e njohur e Chromat — kryesisht për shkak të fushatave të tyre. “Rrobat e banjës janë ky produkt që kombinon etikën tonë për të përfshirë të gjitha llojet e trupit në këtë veshje që mund të jetë kaq e ngarkuar dhe kaq e pambrojtur,” tha ajo. Koleksioni më i fundit i Chromat, një bashkëpunim me artisten Tourmaline, përfshin çantat të krijuara me gratë trans. “Nuk ka vetëm një mënyrë të vetme që gratë trans mund të shfaqen në publik,” tha McCharen-Tran për koleksionin. “Ne mund të shkojmë kundër kësaj pritshmërie të ngjashme me atë që do të thotë gruaja ose femra.”

Stili uniform

Por për shumë dekada, rrobat e banjës dhe femrat ecën në një rrugë të ngushtë, të diktuar nga idealet e Hollivudit. Vitet 1950 dhe 1960 paralajmëruan shumë nga modelet e para ikonike të kostumeve të banjës, sipas Jacqueline Quinn, konsulente e modës dhe profesoreshë ndihmëse në Institutin e Teknologjisë së Modës dhe Shkollën e Dizajnit Parsons në Nju Jork. Gratë që i mbanin ato në ekran përcaktuan ‘trupin ideal të plazhit’: Marilyn Monroe, Deborah Kerr dhe Ursula Andress.

“Zakonisht Hollywood ishte pikënisja dhe më pas do të ndiqnin revistat”, tha Quinn në një intervistë. “Kishte pothuajse një diktaturë të tendencës — jo pas individualitetit, por më shumë një lloj mentaliteti kopjues.” Dekadat në vijim vunë në fokus trupin e hollë, por me forma.

Ndryshimi i trendit

Tani, Quinn është e emocionuar nga ndryshimet dhe risitë që sheh të shfaqen në industri, nga qasja e mbështetur nga të dhënat e Summersalt që u mbështet tek 10,000 gra për të arritur përshtatje më të mira, tek rrobat e banjës së Victory Adaptive për fëmijët me aftësi të kufizuara, me stile me mbyllje anësore me velcro dhe rrobat për gratë e shëndosha. Rebecca Saygi, një stiliste e rrobave të banjës pajtohet se industria e rrobave të banjës është bërë më e shtrirë në lidhje me kë janë veshjet e tyre — dhe për cilat arsye. “Markat po bëhen të mençura për faktin se konsumatorët kanë më shumë gjasa të blejnë një produkt kur shohin dikë me të cilin mund të identifikohen me atë produkt,” tha Saygi. “Të jesh më gjithëpërfshirës hap markat drejt një baze shumë më të gjerë klientësh”. /Burimi: PanoramaPlus/

 

ARTIKUJ TE NGJASHEM

  • Javor
  • Mujor
  • Vjetor