Showbiz 22 Janar 2022

“I bëra me shenjë të ulte shpejtësinë” Blendi Fevziu tregon eksperiencën e frikshme në Korçë

Showbiz

Edhe pse Autoriteti Rrugor, apo instancat e tjera kanë ndërmarrë një sërë fushatash lidhur me sensibilizimin e drejtuesve të automjeteve, për fat të keq aksidentet rrrugore në vend vazhdojnë të marrin jetë njerëzish. Blendi Fevziu, moderatori legjendar i"Opinion" ka folur për këtë fenomen, duke ndarë një eksperiencë të frikshme që e ka përjetuar edhe vetë. Ai tregoi se gjatë një udhëtimi në Korçë ku donte të parakalonte një makinë të vogël, që po ecte me shumë shpejtësi.

Ai tha se makina ecte me 160 km/h, ndërkohë që kishte mbrapa 5 veta dhe 2 të tjerë përpara. Fevziu u shpreh se kjo ishte vërtetë e frikshme, pasi trembej se makina mund të përplasej nga momenti në moment.

“Para dy ditësh isha në Korçë, dhe doja të parakaloja një makinë shumë të vogël, një makinë të lehtë në kuptimin, ecte me 160 km/h, nuk kalohej dot dhe ishte një Renault e vogël, dhe ishte mbushur plot, 5 veta mbrapa dhe 2 para, nuk kapej, në rrugën Korçë-Pogradec. Ishte e frikshme, i bëra shenjë me drita që të ndalonte shpejtësinë, se thashe mos përplaset”, ka treguar ai.

ARTIKUJ TE NGJASHEM

  • Javor
  • Mujor
  • Vjetor