Labrador retriever

Të shoqërueshëm, të dashur, lozonjarë, labradorët janë kthyer ndër qentë më të dashur dhe familjarë në SHBA por edhe në vendin tonë.

Fillimisht ky qen përdorej për gjueti dhe gjetjen e shpendëve por më vonë ai është kthyer në qen shoqërues. Ky qen kërkohet më tepër për natyrën e tij të mirë, të lehtë për t’u trajnuar dhe për inteligjencën e tyre. 

Origjina e Labradorëve është nga Kanadaja. Raporti i parë i shkruar për këtë racë daton në vitin 1822, shkruar nga një udhëtar i cili e solli këtë qen në Angli në shek. 19.

Labradorët kanë aftësi të jashtëzakonshme gjuetie. Me kalimin e viteve Labradorët u bënë të nevojshëm si qen udhërrëfyes sidomos për personat me aftësi të kufizuar në shikim dhe handikapë të tjera. Këta qen janë trajnuar gjithashtu për të qenë terapeutikë për njerëzit rezidentë në shtëpi dhe fëmijët me shqetësime emocionale.

Ndërsa policia dhe ushtria i ka trajnuar dhe bërë pjesë të tyre këta qen për ndjekjen e kriminelëve, gjetjen e drogës, bombave, armëve, etj.

Këta qen janë natyrë e këndshme dhe e afrueshme. Ata mund t’i lësh pa frikë të jetojnë me fëmijët. Ata e duan shumë ujin dhe janë notarë shumë të mirë.

Nga trashëgimia labradorët janë shumë punëtorë dhe duhet të ushtrohen shumë. Ata duhet të dalin shëtitje 3 herë gjatë ditës dhe nuk u lejohet të rrinë inaktivë gjatë gjithë kohës pasi shtojnë shumë në peshë. Nëse ata nuk janë në aktivitet depresohen, bëhen mbi peshë, destruktivë në shtëpi dhe vdesin në joshte të hershme. Ndaj kujdesuni shumë për mikun tuaj të veçantë.