Pjata kryesore 11 Dhjetor 2020

Supë dimërore me kungull dhe djathë

Pjata kryesore

Nga Linda Fishta/ Fotografia Armand Habazaj

PËRBËRËSIT PËR 6 PERSONA: • 3 kunguj • 1 thelb hudhër • 1 qepë skalonjë ose qepë e vogël jo djegëse • lëng perimesh i valuar, sipas nevojës • gjethe mente ose nenexhiku • 3 lugë pana • 2 role djathë dhie “Caprino Mauri” ose djathë tjetër kremoz • vaj ulliri, kripë e piper, sipas nevojës.

PËRGATITJA: Në një tenxhere me 3 lugë vaj ulliri skuqim për 5 minuta kungullin të prerë në kubikë të mëdhenj, bashkë me qepën e grirë, hudhrën dhe 4 gjethe mente. Shtojmë lëng të valuar dhe i lëmë në zjarr të ulët për 15 minuta.  Grijmë në blender të gjithë masën bashkë me panën dhe nëse është nevoja shtojmë edhe pak lëng derisa të jetë aq kremoze sa duam. E rregullojmë për kripë e piper. E shërbejmë nëpër gota ose tasa të vegjël duke i vënë sipër nga një lugë djathë dhie të freskët, gjethe mente, pak piper dhe disa pika vaj ulliri.

ARTIKUJ TE NGJASHEM

  • Javor
  • Mujor
  • Vjetor