Showbiz 30 Nëntor 2020

"U konsmua çdo gjë, nuk ngeli më asgjë" Jonida Maliqi flet për herë pas divorcit nga biznesmeni i njohur

Showbiz

Nuk është hera e parë që Jonida Maliqi provon ekranin, ajo ka qenë vazhdimisht pjesë e paneleve të ndryshme, i është besuar drejtimi i "Dancing with the stars", por "Jonida's Room" e sjell në një version krejt ndryshe. E sigurisht që ky projekt, ku ajo është e përfshirë plotësisht, nuk mund t'i shpëtonte vëmendjes së Ardit Gjebresë në rubrikën “Tani mund të këndosh”, ashtu siç nuk i shpëtuan dot as pyetjet për jetën personale dhe divorcin e bujshëm të para 3 viteve.

Jonida rrëfeu se me ish-bashkëshortin, Gent Prizreni, është dashuruar në moshën 17-vjeçare dhe po aq vite qëndroi e lidhur me të. E pyetur rreth divorcit, ajo tha se ishte ajo e para që e mori vendimin për t'u ndarë dhe e cilësoi si një ndër më të vështirët të jetës.

"Divorci erdhi si pasojë e konsumit dhe disa arsyeve të tjera që do të doja të ishin personale. Ishte ndër vendimet më të vështira të jetës sime. Ishte vendim i imi fillimisht, pastaj rrugëtuam të dy, përderisa dy njerëz nuk komunikojnë më, nuk gjejnë më gjuhën e përbashkët. Unë jam rritur në një familje të shëndetshme, me frymën se do kisha familjen ideale dhe ishte ëndrra ime që këtë gjë ta realizoja me sukses dhe unë divorcin e cilësoj si dështim të timin",-u shpreh ajo.

ARTIKUJ TE NGJASHEM

  • Javor
  • Mujor
  • Vjetor