Pjata kryesore 23 Nëntor 2020

Rizoto me panxhar të kuq, arra dhe djathë Gorgonzola

Pjata kryesore

PËRBËRËSIT: 300 g oriz Carnaroli 1 qepë e vogël 100 ml verë e bardhë 2 panxharë të zier, të bërë pure 10 arra të qëruara 200 g djathë Gorgonzola 1 lugë gjalpë 4 lugë vaj ulliri 2 lugë djathë Parmigiano Reggiano.

PËRBËRËSIT PËR LËNGUN E PERIMEVE: 1 karotë 1 qepë 1 degë selino Pasi t’i ziejmë, i kullojmë dhe e mbajmë lëngun të nxehtë në zjarr.

PËRGATITJA: Në një tigan me pak vaj ulliri zbusim qepën, shtojmë orizin dhe i kaurdisim për pak minuta së bashku. Shtojmë verën dhe, pasi të avullojë, shtojmë gradualisht lëngun e perimeve. Në fund, shtojmë purenë e panxharit, fikim sobën dhe i hedhim 2 lugë djathë të grirë dhe 1 lugë gjalpë. Më pas e tundim tiganin, që rizotoja të dalë kremoz e me salcën e tij. Në pjatën ku do ta shërbejmë, shtojmë kuba djathi Gorgonzola, arra dhe pak vaj ulliri.

ARTIKUJ TE NGJASHEM

  • Javor
  • Mujor
  • Vjetor