Aktualitet 19 Shtator 2020

Vendi nuk gjen qetësi, rritet sërish numri i viktimave dhe të prekurve me Covid në 24 orët e fundit

Aktualitet

Ministria e Shëndetësisë ka përditësuar të dhënat e fundit sa i takon pandemisë së Covid-19. Kështu, në harkun kohor të 24 orëve të fundit kanë humbur jetën pesë qytetarë, ndërkohë janë regjistruar edhe 153 raste pozitive.

Rastet ditore të identifikuara janë të shpërndara në bashkitë si vijon: 57 raste në Tiranë, 15 në Lezhë, nga 11 raste në Krujë, Fier, Pogradec, 8 në Vlorë, 6 në Korçë, nga 4 raste në Lushnje, Mat, Gramsh, Patos, nga 3 raste në Mallakastër, Librazhd, nga 2 raste në Berat, Divjakë, Maliq, nga 1 rast në Durrës, Elbasan, Tepelenë, Malësi e Madhe, Peqin, Memaliaj.

Eugena Tomini nga Instituti i Shëndetit Publik bën gjithashtu me dije se gjatë 24 orëve të fundit,  me gjithë përpjekjet e mjekëve, e kanë humbur betejën me COVID19 një 57-vjeçare nga Kruja, një 60-vjeçar nga Bulqiza, një 62-vjeçar nga Lezha, një 67-vjeçar nga Tirana dhe një 82-vjeçar nga Elbasani. 

ARTIKUJ TE NGJASHEM

  • Javor
  • Mujor
  • Vjetor