Aktualitet 19 Shtator 2020

Neurologu shqiptar në SHBA tregon anën e panjohur të COVID "Po prek të rinjtë, ja pasojat që lë në tru"

Aktualitet

Neurokirurgu shqiptar në spitalin e Phiiladelphias, Gentian Toshkezi, foli në një lidhje me “Skype” në News24 lidhur me situatën e krijuar nga pandemia e koronavirusit. Mjeku theksoi se situata në Philadelphia paraqitet më e qetë se në muajt e parë të pandemisë, dhe sipas tij, po shkohet drejt një normaliteti.

I pyetur nga gazetarja në studio mbi rezultatet e studimeve të fundit se “Koronavirusi godet fort trurin dhe lë pasoja”, neurologu shqiptar tha: “Covid paraqitet me probleme të sistemit nervor. Dy simptoma që do të përmendja janë humbja e nuhatjes dhe shijes. Natyrisht që truri është prekur në këtë moment. Ne jemi grupi i parë në Amerikë që vumë re një prekje të sistemit nervor me komplikacione serioze nga virusi, si infarkte të trurit. Studimet janë përqendruar për të parë pse ndodh ky dëmtim i sistemit nervor dhe pritet që të dalin rezultatet. Virusi e prek sistemin nervor, duke shkaktuar jo vetëm mos furnizim me oksigjen dhe gjak të trurit, por edhe inflamacion.”

Ai shtoi gjIthashtu “ Koronavirusi ka prekur shëndetin nervor dhe sistemin nervor. Në këtë të fundit janë ndërlikime që lidhen direkt me ndërlikime të virusit në tru, duke shkaktuar dëmtime të trurit dhe duke shkaktuar probleme të pacientëve. Ka pasur një rritje të rasteve të pacientëve me vetëvrasje apo agresivitet të tepruar të këtyre pacientëve.”/Marrë me shkurtime nga “PANORAMA”

ARTIKUJ TE NGJASHEM

  • Javor
  • Mujor
  • Vjetor