Menu për festa 31 Korrik 2020

Revania e teze Vajës, ëmbëlsira që s'duhet të mungojë në drekën e Kurban Bajramit

Menu për festa

Nga Linda Fishta, Fotografia Armand Habazaj

Nëse nuk ju doli koha të përgatisnit bakllava, ëmbëlsira tipike e Kruban Bajramit, nuk keni pse t'i privoni vetes pak shije të ëmbël pasi Linda Fiushta ju sugjeron revani. Kjo është një recetë e vjetër që për të ka shumë vlerë shpirtërore, pasi e përgatiste tezja e mamasë së saj, Vaja. Është recetë me shumë pak përbërës, ashtu siç ishin ëmbëlsirat 70 vjet më parë, por është dhe shumë e shijshme

Përbërësit për tavë katrore 24 x 24 ose të rrumbullakët me diametër 26/28cm:
? 3 vezë në temperaturë ambienti
? 150 g gjalpë i butë në temperature ambienti (si krem)
? 150 g niseshte misri
? 150 g niseshte patatesh
? 120 ml qumësht në temperature ambienti
? 300 g sheqer

Përgatitja: Ndezim furrën në 150 gradë. Në robot rrahim vezët me sheqerin dhe gjalpin për 20 minuta, me shpejtësi maksimale. Pastaj, ulim shpejtësinë e robotit dhe shtojmë herë niseshte dhe herë qumësht derisa t’i kemi hedhur të gjitha. Hedhim brumin në tavën e lyer me gjalpë e miell dhe e lëmë të piqet derisa të marrë ngjyrë në sipërfaqe dhe kur të bëjmë provën me kruajtëse dhëmbësh, ajo të dalë e pastër.

ARTIKUJ TE NGJASHEM

  • Javor
  • Mujor
  • Vjetor