Orakulli i kuzhinës 16 Korrik 2020

Si të bëni gjalpë fistikësh për një shije të mirë dhe super vlera ushqyese

Orakulli i kuzhinës

Shumë fruta të thata si kikirikët, lajthitë mund të shndërrohen në gjalpë, por e keni provuar ndonjëherë shijen e gjalpit të fistikëve? Ka një shije perfekte dhe mund të përdoret që nga buka tek frutat. Mund ta përdorni atë në smoothie, tërshërë, kos, sallatë me perime, akullore ose petulla.

Mjafton të keni në shtëpi një procesor ushqimesh dhe nuk do t’ju duhet të kërkoni më për gjalpë frutash të thata nëpër raftet e supermarketeve.

Përbërësit:

4 kupa fistikë pa kripë dhe të qëruar

2 lugë gjelle mjaltë ose shurup panje

½ lugë çaji kripë deti

¼ lugë çaji kanellë pluhur

Udhëzime:

Parangrohni furrën në 180 gradë Celsius.

Vendosini fistikët në një tavë ku keni shtruar letër furre.

Piqini për 5-8 minuta. Herë pas here tundeni tepsinë që pjekia të jetë uniforme.

Kur të marrin një ngjyrë kafe të lehtë hiqini nga soba.

Lërini të ftohen për 10 minuta.

Transferojini në procesorin e ushqimeve dhe bluajini derisa përbërja të jetë e butë dhe kremoze.

Shtoni mjaltin ose shurupin e panjës, kripën e detit dhe kanellën pluhur. Vazhdoni përzierjen derisa të uniformizohen.

Hidheni gjalpin në një kavanoz, mbylleni me kapak dhe ruajeni në frigorifer.

Përveç shijes së mirë, gjalpi i fistikëve ka dhe vlera të mrekullueshme për shëndetin:

Ul kolesterolin e keq

Lufton kapsllëkun

Rrit masën muskulare

Largon kilet e tepërta

 

ARTIKUJ TE NGJASHEM

  • Javor
  • Mujor
  • Vjetor