Aktualitet 3 Qershor 2020

Kontrolle për rritje çmimesh dhe çadra falas; kryebashkiaku i Vlorës tregon masat e marra për fundjavën

Aktualitet

Kryebashkiaku i Vlorës ka dhënë një intervistë për “Report Tv”, në të cilën specifikon hapjen e sezonit dhe rregullat që do të merren për fundjavën në mënyrë të tillë që pushuesit të jenë të qetë dhe të shijojnë plazhin.

“Kemi diskutuar që gjatë fundjavave të mos ketë punime në kantier, që të mos ketë zhurma për pushuesit që vijnë gjatë fundjavave. Të respektohen çmimet e traditës. Kam ngritur prej 2 javësh njësi kontrolli për të gjitha bizneset, që dalin çdo mëngjes për të kontrolluar bizneset. Jemi në kushtet kur mund të presim njerëz", tha Leli.

Lidhur me plazhet publike, kryebashkiaku i Vlorës tha që një donator privat do të mundësojë çadra falas për pushuesit.

"Një donator privat që do na mundësoj çadrat për t'i shfrytëzuar me kosto zero nga banorët. Menaxhimi i plazhit, prioritet do u japim hotele. Ndërkohë në njësitë e tjera, kur nuk ka hotele, do t'u jepet njësive të shërbimit e drejta për ta menaxhuar këtë plazh. Pavarësisht se ka njësi shërbimi do të ketë edhe plazhe publike, duke respektuar 20% shërbimi. Prioritet ka qenë hoteleria", tha Leli.

Ndërkohë që mbeten për t’u specifikuar se ku do të jenë të vendosura këto çadra.

ARTIKUJ TE NGJASHEM

  • Javor
  • Mujor
  • Vjetor