Aktualitet 1 Qershor 2020

Sezoni turistik u hap, por moti s'ka ndërmend të na lejojë të bëjmë plazh

Aktualitet

Sezoni turistik u çel sot më 1 Qershor, por gjysma e parë e këtij muaji do të jetë e freskët dhe me reshje shiu.  Këtë e konfirmoi në një lidhje telefonike me News 24, sinoptikania Adiola Bani.

Sipas saj, e gjithë kjo javë do të shoqërohet me reshje shiu dhe rënie temperaturash, që do të sjellin edhe rrebeshe shiu ditën e premte. Megjithatë, kjo do të jetë një verë e nxehtë dhe pritet që në muajin korrik temperaturat të kalojnë mbi 40 gradë.

Edhe këtë javë do mbetemi në kushte të paqëndrueshme të motit. Reshjet do të vijojnë edhe pasditen e sotme, kryesisht në zonat malore. Edhe dita e martë parashikohet të mbetet e paqëndrueshme. E mërkura dhe e enjtja do na rikthejnë diellin, do kemi rritje të temperaturave, maksimumi deri në 24 gradë Celsius. Ndërsa, në fundjavë temperaturat do të mbërrijnë deri në 30 gradë. Por, edhe pse kemi rritje të temperaturave, do të kemi edhe reshje shiu, gjatë të premtes me rrebeshe, dhe në fundjavë në sasi më të paktë.

Megjithatë, kemi hyrë në stinën e verës dhe këto temperature nuk janë karakteristike. Pjesa e parë e muajit qershor, edhe pse do të kemi temperature 28-29 gradë, e ndonjë ditë edhe 30 gradë Celsius, do të kemi edhe prani reshjesh, duke bërë që të mos e kemi mendjen shumë te plazhi. Në gjysmën e dytë të qershorit do të mendojmë për plazhin. Gjatë korrikut temperaturat parashikohet të arrijnë në temperature 40 gradë celsius. Parashikohet një verë e nxehtë”, tha sinoptikania.

 

ARTIKUJ TE NGJASHEM

  • Javor
  • Mujor
  • Vjetor