Pjata kryesore 10 Maj 2020

Receta e veçantë e vezëve skoceze

Pjata kryesore

Nga MIRELA ANDONI /Fotografia ARMAND HABAZAJ

PËRBËRËSIT: 4 vezë, 400 g salsiçe të freskëta, 1 lugë mustardë, lëkura e 1 limoni,kripë, piper, majdanoz, sherbelë.

PËRBËRËSIT PËR T’I MBLEDHUR: 50 g miell, 1 vezë e rrahur, 100 g galetë, vaj për skuqje.

PËRGATITJA: Vendosim vezët (që i kemi pasur në temperaturë ambienti) të ziejnë për 8 minuta. Ndërkohë, thërrmojmë salsiçet në tas dhe shtojmë mustardën, lëkurën e limonit, majdanozin dhe sherbelën e grirë. E rregullojmë me kripë dhe piper dhe formojmë një brumë qoftesh. Ftohim vezët në ujë të rrjedhshëm. E ndajmë brumin në 4 pjesë, hapim një prej tyre në pëllëmbë dhe vendosim vezën e qëruar. Këtë e mbulojmë me brumë dhe formojmë një top. Në tre tasa të ndryshëm vendosim miellin, vezën e rrahur dhe galetën. Çdo top brumi e kalojmë në fillim te mielli, te veza dhe në fund te galeta. E përsërisim këtë dy herë për të krijuar një shtresë sa më kompakte. Më pas i skuqim për 4-5 minuta në temperaturë mesatare, në vajin e nxehur që më parë. Më pas i vendosim në letër kuzhine që t’u thithim vajin e tepërt.

ARTIKUJ TE NGJASHEM

  • Javor
  • Mujor
  • Vjetor