Shembja e urës në Baltimore, nxirren nga uji trupat e pajetë të dy burrave; Vijon kërkimi
Pas kërkimit të forcave të shpëtimit në SHBA për njerëzit që ranë në ujë, për shkak të shembj...
Në Bergamo pamndemia e COVID-19 është jashtë kontrollit. Kështu deklarojnë mjekët e spitalit “Papa Giovanni XXIII” në një letër të publikuar në “New England Journal of Medicine Catalyst Innovations in Care Delivery”. Kujtojmë që Bergamo është provinca më e goditur nga virusi në gjithë Lombardinë. Vetëm dje kishte 6728 raste pozitive, me një rritje prej 257 rastesh në ditë, krahasuar me një ditë më parë. Spitalet janë në kolaps.
“Spitali ynë është shumë i kontaminuar dhe jemi tashmë përtej pikës së kolapsit: 300 shtretër nga 900 janë të zënë pacientët Covid-19. Më shumë se 70% e vendeve të kujdesit intensiv janë të rezervuar për pacientët me Covid-19 që kanë shpresë për mbijetesë. Ne punojmë në spitalin Papa Giovanni XXIII në Bergamo, një strukturë moderne me 48 njësi të kujdesit intensiv. Edhe pse Bergamo është një qytet relativisht i vogël, ai është epiqendra e pandemisë, më shumë se Milano. Situata është aq e rëndë – nënvizuan ata – sa ne jemi të detyruar të operojmë nën standardet tona të kujdesit. Pacientët e moshuar vdesin në vetmi, madje pa kujdesin e duhur paliativ.
Po mësojmë se spitalet mund të jenë mjetet kryesore të transmetimit të Covid-19, pasi ato mbushen më shpejt dhe më shpejt me pacientët e infektuar që infektojnë pacientë jo të infektuar. I njëjti sistem rajonal shëndetësor kontribuon në përhapja e infeksionit. Punëtorët e shëndetësisë janë bartës asimptomatikë të sëmundjes ose të sëmurë pa mbikqyrje. Disa vdesin, përfshirë ata më të rinjtë, duke rritur me tej vështirësitë dhe stresin e atyre që janë në vijë të parë.” -shkruhet në letrën e tyre.
Në orët e ardhshme, 30 mjekë rusë do të arrijnë te Papa Gjoni XXIII për të ndihmuar dhe mbështetur stafin në punë për javë të tëra pa ndaluar. Coronavirus është “Ebola e të pasurve dhe kërkon një përpjekje të koordinuar dhe transnacionale. Nuk është veçanërisht vdekjeprurëse, por është shumë ngjitëse. Sa më shumë shoqëri e mjekuar dhe e centralizuar, aq më shumë përhapet virusi”, vazhduan ata. “Katastrofa që ka përfshirë Lombardinë e pasur mund të ndodhte kudo”.
“Kjo epidemi është një krizë shëndetësore dhe humanitare. Ne kemi nevoja urgjente për agjensi humanitare që veprojnë në nivelin lokal. Për të adresuar pandeminë, nevojiten zgjidhje për të gjithë popullatën, jo vetëm për spitalet”, përfunduan ata.
Pas kërkimit të forcave të shpëtimit në SHBA për njerëzit që ranë në ujë, për shkak të shembj...
Një pjesë e fermerëve teksa qëndrojnë në verandën e “Ferma VIP” kanë diskutuar për nominimet dh...
Luna Met'hasani, vajza e gazetarit Defrim Met'hasani ka fituar betejën me tumorin. Lajmin e mirë e ka dhënë vetë Luna, përmes nj...