Pjata kryesore 3 Mars 2020

Qofte me salcë pikante: Koha për shije në tryezë

Pjata kryesore

Qoftet me salcë pikante janë një recetë e thjeshtë dhe e shijshme. Receta tradicionale është me bazë mishi, por mund të bëhen edhe me kërpudha.

Përbërësit:

500 gr salcë domatesh

350 gr mish viçi i grirë

40 gr parmixhano

40 gr rikota

1 vezë

1 thelpi hudhër

1 degëz sherbelë

1 lugë gjelle majdanoz

1 lugë gjelle galetë (peksimadhe)

Gjysmë gote vaj ulliri e.v

Pak piper i kuq

Pak miell

Kripë

Përgatitja:

Përzieni mishin e grirë me vezën e rrahur, pamrixhanon, rikotën, hudhrën e grirë, majdanozin e copëtuar, kripën dhe piperin e kuq. Nëse përbërja është shumë e qullët shtoni 1 lugë gjelle galetë. Formoni qofte në madhësinë e arrës dhe kalojini në miell.

Skuqini qoftet në një tigan me 1/4 gote vaj ulliri, duke i kthyer herë pas here. Më pas hapini në një letër kuzhine për t'u thithur vajin e tepërt. Në të njëjtin tigan hidhni vajin e mbetur të ullirit, sherbelën, salcën e domates dhe pak piper të kuq.

Shtojini qoftet në salcë, gatuajini për 15 minuta në zjarr mesatar dhe shtojuni kripë. Servirini të ngrohta.

ARTIKUJ TE NGJASHEM

  • Javor
  • Mujor
  • Vjetor