Femijet 20 Shkurt 2020

Këshilla të specialistëve për të menaxhuar kuriozitetin e fëmijëve për seksualitetin

Femijet

Nga Lira Gjika/• Emërtimin e saktë të organeve seksuale. Vagina dhe penis, emërtimet me nënkuptim apo pseudonime shkaktojnë vetëm konfuzion

• Edukimi dhe informimi si i djemve dhe i vajzave pa dallim.

• I rrituri nuk duhet të shmangë dhe evitojë pyetjet e fëmijës duke thënë: pyet mamin apo babin. I rrituri nuk duhet të nxehet me pyetjet, por të përgjigjet dhe kur nuk di të përgjigjet, ti thotë fëmijës me seriozitet që nuk e di, por sa ta mësoj do të t'ia shpjegojë. dhe duhet ta mbaje fjalën dhe t'ja shpjegojë sa po të mundet.

• Ti lexojë dhe tregojë libra që janë për moshën dhe që trajtojnë në mënyrë edukative njohjen e trupit të njeriut si të femrës dhe të mashkullit përfshi dhe organet gjenitale.

• Nuk duhet të flitet për organet gjenitale në mënyrë mohuese, p.sh, femra “nuk ka” penis, por femra “ka” vaginë”. Të cilësohet diferenca dhe funksioni i organeve.

• Ti shpjegohet që “intimiteti” është i ndryshëm nga “fshehtas”

• Nëse fëmija po luan me një moshatar duke u prekur, mos ndërhyni, por ruani qetësinë, pasi do ti mësoni pa dashje të fshihet nga ju, por jo të mos e bëj më.

• Kurioziteti fëminor është gjëja më natyrale në botë. Nëse fëmija deri në moshën 6 vjeç, nuk bën pyetje rreth kësaj teme duhet të mendohet se ku po e mer informacionin dhe sa cilësor është ky informacion. Prindër mos e lejoni që fëmija juaj të mësojë dhe zbulojë veten dhe seksualitetin nëpërmjet banalitetit të “rrugës”.

ARTIKUJ TE NGJASHEM

  • Javor
  • Mujor
  • Vjetor