Letra 17 Gusht 2019

''Rrezikova të ngelja pa këmbë e duar nga një pickim mushkonje", historia e 32 vjeçares që i shpëtoi mrekullisht vdekjes

Letra

Sylwia Tabor, 32-vjeçare nga California, kishte zgjedhur me vullnet të plotë të mos hante për plot 14 vite mish, nënprodukte të bulmetit, fruta deti, madje edhe vezë, si dhe kishte shmangur çdo veshje apo produkte të tjera që përfitohen duke shfrytëzuar ose dëmtuar kafshët. Megjithatë, ajo që i ndodhi në korrik të 2017-ës do t’i ndryshonte plotësisht jetën: Sylwia u pickua nga një mushkojnë pak mbi kyçin e këmbës dhe rrezikoi që mjekët t'ia amputonin (prisnin) për shkak të hemorragjisë.

''Nuk i kushtova rëndësi në fillim, pasi ishte thjesht një pickim i zakonshëm. Isha me pushime me partnerin dhe nuk doja t'i prishja për këtë shkak. Fillimisht kisha pak kruarje dhe djegie, por vetëm kaq. Pas një muaji vura re se në brinjë më ishin shfaqur plagë të mëdha sa pëllëmba ime, të cilat kullonin gjak. Mjekët më diagnostikuan me NECROTISING  FASCIITIS, një infeksion i rrallë bakterial që prek fillimisht lëkurën, muskujt dhe organet, i cili nëse nuk kapet në kohë mund të të marrë jetën. Në gjuhën e përditshme njihet si ‘’sëmundja që ha mishin’ e njeriut'’.

Menjëherë pas diagnostikimit të sëmundjes, iu nënshtrova një ndërhyrjeje kirurgjikale që zgjati plot 8 orë. E rimora veten dhe plagët filluan të mbyllen. 3 muaj pas saj, fillova të kisha probleme me sistemin tretës. Villja çdo gjë që fusja në gojë dhe isha gjithë kohës e dehidratuar.’’-tregon ajo për ''THE SUN".

''M’u desh të hiqja dorë nga ajo që kisha besuar dhe mbështetur gjithmonë, dhe fillova të haja mish pasi ishte e vetmja mënyrë për të marrë proteinat e duhura shtazore që i nevojiteshin organizmit tim. Tani ha vezë, djathë dhe një biftek çdo ditë e ndihem më e shëndetshme se kurrë më parë'', -mbyll ajo rrëfimin e saj.

ARTIKUJ TE NGJASHEM

  • Javor
  • Mujor
  • Vjetor