Shëndeti i gruas 24 Shkurt 2019

Nga e kuqe e lehtë deri tek njollat kafe, ja çfarë tregon ngjyra e periodave për shëndetin e femrës

Shëndeti i gruas

Cikli i rregullt menstrual mund të na krijojë shqetësime ditët e para, por është një ndër shenjat e një organizmi të shëndetshëm femëror. Në ditët e para nuk mund të mos mendojmë dhe përjetojmë dhimbjet e shpinës, ndjesinë e ankthit, shtimin e oreksit apo dhe luhatjet e humorit si pasojë e çrregullimeve homonale, duke neglizhuar në këtë mënyrë detaje të tjera siç është për shembull ngjyra e gjakut menstrual. Edhe pse kjo gjë mund të duket e neveritshme për shumë femra, ngjyra e gjakut mund të tregojë informacione të vlefshme shëndetësore për një grua.

1.Ngjyrë e kuqe në rozë: Në qoftë se shumë ditë para se t'ju vijë cikli vini re, njolla të kuqe në rozë në të brendshme, duhet të shqetësoheni pasi mund të keni ndonjë lëndim të brendshëm. Humbjet e gjakut në këtë ngjyrë janë po ashtu simptomë e shtatzënisë, ndaj konsultohuni me mjekun tuaj. 

2.E kuqe e ndezur: Nëse fluksi menstrual është në ngjyrë të kuqe të ndezur, nuk ka asgjë për t’u shqetësuar pasi cikli juaj është mëse normal. Por nëse sasia e tyre vazhdon të jetë e madhe edhe pas 5 ose 6 ditësh duhet të keni kujdes pasi mund të keni nivele të larta të estrogjenit.

via GIPHY

3.E kuqe e mbyllur: Ndonjëherë ndodh që gjatë një cikli të bollshëm në sasi dhe kohëzgjatje, gjaku juaj menstrual të jetë shumë i errët. Ky sinjal ju paralajmëron të bëni kujdes pasi mund të keni fibroma në mitër.

4.E kuqe në portokalli: Shumë femra nuk i kushtojnë rëndësi kësaj ngjyre të ciklit pasi mendojnë se është e tillë si pasojë e përzierjesn me urinën. Në të vërtetë mund të keni ndonjë infeksion vaginal që duhet trajtuar në kohë.

5.Kafe e errët: Ngjyra kafe e errët shfaqet kryesisht në ditët e fundit të ciklit menstrual. Bëhet fjalë për gjakun e vjetër të paoksigjenuar që trupi po përpiqet të nxjerrë jashtë tij.

6.Gri: Mund t’ju duket e habitshme, por cikli menstrual mund të marrë ngjyrë gri. Në këtë rast duhet të shqetësoheni sepse bëhet fjalë për një infeksion të rëndë vaginal ose keni kaluar një abort.

ARTIKUJ TE NGJASHEM

  • Javor
  • Mujor
  • Vjetor